Ta un estudeo y conoxedura d'o clima que tiene o Lugar nuestro, l'Obserbatorio Metioroloxico de Cosuenda empezipió a funcionar o diya 1 chinero 2001. S'ha creyiu combenién asperar ta se cumplan cuatro años de cullida de datos ta empezipiar a fer-las publicas, anque o periodo ye muito curto ta cullir-lo como unos datos ziertamén ripresentatibos, si que pueden enfilar-mos en o trestalle d'o clima nuestro.

 

Dito ísto podemos trestallar-lo:

 

· Seguntes o criterio Lang:

S'alazeta en dibidir a prezipitazión total meya de l'año t'a temperatura meya de l'año.

A la balura que da se li aplica o siguién criterio:

 

0<Lang<20 = Disiertos

20<Lang<40 = Clima arido

40<Lang<60 = Clima umedo d'artiga y sabana

60<Lang<100 = Clima umedo de bosques ralos

100<Lang<160 = Clima umedo de bosques densos

Lang>160 = Clima sobreumedo de praus y tundras

 

Ta Cosuenda:

Precipitazión total meya de l'año = 592 litros

Temperatura meya de l'año = 14,99 ºC

 

Por lo que 592/14,99 = 39,49 que mos trestalla ta clima arido en transizión ta clima úmedo d'artiga y sabana.

 

· Seguntes o criterio Martone:

S'alazeta en dibidir a precipitazión total meya de l'año t'a temperatura meya de l'año más o lumero entero 10.

A la balura que da se li aplica o siguién criterio:

 

0<Martone<5 = Disiertos

5<Martone<10 = Semidisiertos

10<Martone<20 = Artigas y países secos mediterranios

20<Martone<30 = Rexión d'oliberas y zerial

30<Martone<40 = Sulero umedo (Praus y bosques)

Martone>40 = Sobreumedo

 

Ta Cosuenda:

Precipitazión total meya de l'año = 592 litros

Temperatura meya de l'año = 14,99 ºC

 

Por lo que 592/(14,99+10)= 23,69; que mos trestalla ta rexión d'oliberas y zerial.

 

Si quiers enamplar conoximientos sobre os nuestros datos meteoroloxicos pulsia astí. (Bersión en castellán)

 

Tamién disponemos d'ista ligadura metioroloxica autiba esbiellada.