Por carretera:
· Dende o zentro y sur d’a Peninsula:
O camín prefirible estaría cullir l'A-2 y siguir-la dica L’Almunia Doña Godina, an empalmaríamos, endrezera Cariñena, con l’A-220 y a os 13 quilometros, endrezera Cosuenda, por a ZB-504, que mos dixa en o Lugar en 3 quilometros.
· Dende o norte d’a Peninsula:
Bi ha que amanar-se dica o cruze d’a N-232 con a N-122, ya siga por ista N-232 u por l’AP-68, siguir-ie por a N-122 endrezera Borxa, y a os 7 quilometros, en Magallón, esbarrar-se por l’A-121 endrezera L’Almunia Doña Godina. En plegando continamos endrezera Cariñena, por l’A-220 y a os 13 quilómetros, endrezera Cosuenda, por a ZB-504, que mos dixa en o Lugar en 3 quilometros.
· Si benimos tanto d’o norte y este d’Aragón, como de l’este d’a Península, como de más luen d’os Perinés:
O millor camín ye plegar ta Zaragoza por l'A-23, A-2 u AP-2 y cullir-ie l'A-2 endrezera L’Almunia Doña Godina, an mos esbarraríanos, endrezera Cariñena, por l’A-220 y a os 13 quilometros, endrezera Cosuenda, por a ZB-504, que mos dixa en o Lugar en 3 quilometros.
· Y, de zaquero, si benimos d’o Sur d’Aragón y d’o Lebán:
Ye prefirible plegar ta Cariñena por a N-330, y d’astí, endrezera L’Almunia Doña Godina, por l’A-220, y a os 7 quilometros, endrezera Cosuenda, por a ZB-504, que mos dixa en o Lugar en 3 quilometros.
Mapa d'azesos ta Cosuenda
Por autobús:
A interpresa Ágreda Automóvil S.A. ufre un serbizio regular entre Cosuenda y Zaragoza y bezibersa de lunes ta sabado con l’orario de salida de Cosuenda a las 7:30 d’a matinada y plegada ta Zaragoza sobre as 8:45, y con salida de Zaragoza (Abenida Balenzia, 20) a las 19:30 y plegada ta Cosuenda a las 20:45. Ta más informazión transportes@agredasa.es u en o telefón (+34) 976 554 588.
Por tren:
A 10 quilometros ye a gara de Cariñena. Pulsia astí ta beyer as suyas combinazions. (Bersión en castellán)
Y a 20 quilometros la de Ricla – L'Almunia. Pulsia astí. (Bersión en castellán)
Istos orarios tienen balura dica o 31 mayo 2004, ta más informazión sobre orarios, pres, reserbas, ezetra... en http://horarios.renfe.es/hir/index.html .
Por abión:
A 60 quilometros se troba l'Airopuerto Entrenazional de Zaragoza. En http://www4.aena.es/vuelosTR/index.jsp podemos trobar los buelos y orarios.
