Astí empezipiamos a zona d'as esposizions bertuals, zona en la que queremos dar a conoxer, en tot lo que se pueda, ixas cosas que mos demandan os internautas.

Agora tenemos parada una Esposizión de Fotografía Antiga que contiene parti d'as fotos que abió en las de 2000 y 2001, antimás d'as nuebas e ineditas. Ta beyer-las pulsia astí.

Tamién, d'as demandas que emos teniu, somos treballando agora en atra esposizión de testos, tanto de poesía como de prosa, que fablan d'o Lugar nuestro, como los que amanixen en os programas de fiestas, ta que d'ista traza queden replegaus en ista paxina con atros que a chen nimbie.

Antimás, tamién mos somos planteyando atra sobre os seres bexetals que pueblan a nuestra albala monezipal.

Asinas que, y asperando que istas esposizions sigan rematadas, tos animamos a colaborar u con nuebas ideyas, con donazions eleutronicas de fotografía antiga u con testos que aigaz escrito y que tiengan rilazión con o nuestro Lugar. Podez fer-lo, como siempre, en o correu eleutronico patrimonio@lugardecosuenda.org u meter-lo en el Banco la Plaza – Rufierta Cosuendana. Antimás si tenesez bel dandaleyo podez preguntar-mos en info@lugardecosuenda.org. Grazias.