Ta l'estiu de l'año 2000 s'empezipió a treballar,
con o refirme de la que yera en ixe inte Churada de Cultura de
Cosuenda, María Jesús Navarro, y d'un rolde de presonas, en una esposizión de
fotografía antiga que sería amostrada ta "las Fiestas de Berano" d'ixe año con,
alto u baxo, 50 fotografías que os bezins de Cosuenda donón
eleutronicamén, dixando-las en paper fotografico t'o suyo posterior escaneyau y
retoque dixital.
Cartel de "las
Fiestas de Berano" de 2001 con una foto d'a Esposizión
O esito reculliu en ista
esposición planteyó una segundiadura con un año de tiempo, que sería amostrada
ta "las Fiestas de Berano" de 2001 con alpartaus de bideo antigo y fotografías
contrimostratibas, y que os bezins estrocón donando más de 400 fotografías, por
lo que ta Chulio 2001 abió que creyar l'Archibo Fotografico de Cosuenda ta
poder treballar con tanto material.
Iste archibo autugalmén ye
trestallau en l'Archibo de
Fotografía Antiga, dica 1986, con 667 fotografías, y en l'Archivo de
Fotografía Contemporania, posteriors ta ista calendata, con 339, dica l'inte.
Interior d'o
programa de "las Fiestas de Berano" de 2001
En él s'alzan as
fotografías que ripresentan o nuestro lugar y os suyos abitadors en bel inte d'a istoria d'os
zaguers 150 años y d'él salen todas as fotografías que
ilustran iste web.
Emos trigau d'iste
archibo cuasi 200 fotografías ta una nueba esposizión, en iste caso bertugal, ta
que podamos desfrutar toz d'istas imachens en o nuestro Sitio Web.
Interior d'o
programa de "las Fiestas de Berano" de 2001
Queremos que ista esposizión
siga un puesto bibo que podamos creyar entre toz y por ixo te combidamos ta que si
no sale beluna que en as anteriors esposizions te fizo meter ficazio u si
quiers a escarga eleutronica de beluna d'ellas mos ne digas en
info@lugardecosuenda.org u en
el Banco la Plaza – Rufierta Cosuendana.
Tamién puedes contribuyir dando
comentarios sobre as fotos u donando eleutronicamén bella
fotografía inedita en l'Archibo en
patrimonio@lugardecosuenda.org
ta que la metamos en a esposizión.
Ta dentrar en a esposizión
pulsia la foto: (en castellán)
